HEZKUNTZA SISTEMA. 

 FAMILIENTZAT INFORMAZIOA

 

DBH1-EKO KURTSO BUKAERAKO IRTEERA. DEBA

Ekainak 20, osteguna, kursoko azken aurreko egunean, DBH 1.mailako ikasleak txangoan joan ziren Debara. Nahiz eta eguzkia ez ikusi, bainu ederra hartzeko aukera izan zuten. 

 


ZUMAIA- FLYSCH - DBH4

DBH4ko Biologia/Geologiako ikasleak eta Dibertsifikazioko ikasleak, Flysch-a bisitatu zuten Ekainaren 18an.

 

 


TEKNOLOGIA IKASGAIA - DBH4 

Teknologia ikasgaiko ikasleak, Berrizko Iriondo enpresara irteera bat egin zuten ekainaren 5ean. Enpresaren funtzionamendua ezagutu eta fabrikazio prozesua ezberdinak gertutik ikusteko aukera izan zuten. 


 

ANDERE GARABIETA ORIBE

Ekainak 7,ostirala, Andere Garabieta Oriberen bisita izan genuen eskolan. Andere "20 Especies de Abejas" filmeko aktorea da batik bat.

DBH4ko ikasleak, Komunitateko proiektuak ikasgaian, filmea ikusi eta landu zuten.

 


GAZTELANIA MINTEGIA

2023-2024 kurtsoan zehaz, gaztelera mintegitik lan desberdinak egin dituzte. Horietako batzuk ikusi ditzakezue beheko bideoan.


BERRIZTIK MUNDURA

Ohitura denez, aurten ere laugarren mailako erlijioko ikasleek Berrizko Mesedeetakoen Margarita María Museo bisitatu dute. Bertan,  Lola Gelo mesedetarrak gidatuta komentuaren historia (1540. urtean hasita) ikasi dute, batez ere Margaritaren kemenari esker klausurako komentu izatetik institutu misiolari izatera igaro zen unea (1930ean). Amaitzeko, munduko tokiak ikusi genituen (bere proiektuekin), non Berrizen izena presente dagoen Mesedetakoen misioei esker, Japonia, Filipinas, Ertamerika, Afrika, besteak beste.

 


MATEMATIKA. π KALKULATZEN.

DHB-ko 1.mailakoen matematikako Hedatze saioan, institutuko patiora irten eta kantxetan dauden zirkunferentzien luzeerak neurtu zituzten ikasleek tresna ezberdinak erabiliz. Zirkunferentzia horien diametroen neurria hartuta,  π-ren balioa kalkulatzen ibili ziren eta sortutako erroreak aztertzen.
 
Jarduera hau, zirkunferentzien perimetroa kalkulatzeko erabilitako formula eta π zenbakia hobeto ulertzeko planteatu zen eta helburua bete genuen.
 
 

MUSIKA DBH1

Aurreko astean 1.DBH mailako ikasleek Richard Strauss konposatzaile alemaniarraren “Heroiaren Bizitza” poema sinfonikoaren inguruko mural artistikoa sortu zuten. Jarduera honetan pieza musikala entzun bitartean, paperean jaso behar izan zuten musikak istorioaren hariari buruz transmititzen ziena.

Muralak Aretoan daude ikusgai.

 

  

 


 

IKASBIDAIARAKO ZOZKETAKO ZENBAKI SARITUAK:

Irabazleak deitu telefono honetara apirilaren 23 aurretik: 944 28 79 76


KORRIKA 2024

Korrika, martxoaren 22an pasatu zen Berriztik. Ongi etorria emateko, goizean Berriz BHIk korrika txikian parte hartu zuen beste eskolekin batera,  Learreta Markina HLHI eta Umerri.

Korrika arratsaldeko 19:30 aldera pasatu zen Berriztik. Eskolako ikasle bat eta guraso elkarteko kide baten artean eraman zuten lekukoa.

Ikasle, irakasle eta gurasoak ere bertaratu ziren korrika egitera. Eskerrik asko parte hartu zenuten denoi!!!

 


MATRIKULAZIO EPEAK

  Eskabideak eta egiaztagiriak aurkeztea:

  •    On-line: 2024ko otsailaren 7tik 23ra.
  •    Aukeratutako lehenengo ikastetxean: idazkaritza ordutegian, 2024ko otsailaren 7tik 23ra.

  Informazio gehiago nahi izanez gero egin KLIK beheko irudian.